lunes, 13 de agosto de 2012

Terraza vacía


Les piedres de xelu del café despídense nes primeres hores de la tarde col so lloru silenciosu. El chornu d’estos díes yá ye una alcordanza pal paisanu que, de la que pasa, pregunta si acabará lloviendo mientres mira de regüeyu pa un cielu de panza de burra.
Permedia agostu, esi mes inciertu, con fama d’ivernizu, que quixo reivindicar que’l branu sigue vivu magar que la tarde de domingu apigaza ente sábanes grises.
A la terraza vacía alléguense toles pantasmes d’un tiempu, que como’l meteorolóxicu, sigue siendo inciertu. La brisa llevanta les fueyes del periódicu dexando esnalar un atracu qu’acabó a tiros, el gastu ensin control en beques mineres, el debate sobre la “performance” de Gordillo, l’oru olímpicu d’una asturiana…
Esnala tamién l’andolina presaxando’l so llargu viaxe serondiegu en busca d’un clima más templáu. Un clima, qu’angüaño, nun alcuentra sitiu nesta terraza vacía enllena de pantasmes.

3 comentarios:

  1. ¡Que bien Anxel, se te echaba de menos!
    Dibujas como nadie el paisaje nostálgico de la vida cotidiana.
    Como siempre, ¡CHAPEAU!

    ResponderEliminar
  2. Buena descripción de un rato sentaos en la terracina, pasando las horas cálidas de un día de agosto.
    Un abrazu.
    Feliz semana!

    ResponderEliminar
  3. Hasta a lo más sencillo y cotidiano, le encuentras su lado poético.Así sois los buenos escritores.
    safo

    ResponderEliminar