Atapecer

I
El sol tardiegu
cuando zarres los güeyos
dafechu muerre.

II
Rosa ensin llabios
dame l'últimu besu
faise de nueche.

III
Silenciu del sol
afogándose na mar,
relluma l'agua.
 

Instantánea (Semeyes & Haikus)

Dende'l 4 al 25 de marzu nel Centru Cultural de Morea (Ayer) podrá vese la esposición Instantánea qu'amuesa 20 semeyes del conceyu d'Ayer acompañaes de 20 haikus. Una idea que conxuga imaxen y palabra dende la evocación y la reflexón. Semeyes en b/n y color, d'arte, etnografía y naturaleza obra de Camilo Alonso xunto a haikus n'asturianu y castellanu d'Ánxel Álvarez Llano.

Niebla en Piedrafita

Dama de blanco,
asómase la niebla
al altu balcón.

Seronda

Al son del aire
sele la fueya posa,
será seronda.